Saturday, January 19, 2013

Denise Levertov - Die smagting van getroud wees


© Christopher Cart - Embrace 1


Die smagting van getroud wees
Denise Levertov

Die smagting van getroud wees:

dy en tong, beminde,
is swaar daarvan,
dit klop in die tande

Ons soek na kommunie
en word weggewys, beminde,
elkeen van ons

Dit is leviatan met ons
in sy pens
op soek na vreugde, ’n bietjie vreugde
wat onbekend is daarbuite

twee-twee in die ark van
die smagting daarvan.

[Vertaal deur Johann de Lange]